افكار لوجبات مناسبه من الشهر السادس

اطعمه تعزز المناعه

اخفف هدوم ابني امتى؟

Click here

البوتي ترينج

الأمهات اللي بتدرب علي البوتي 🙄 😁 ⁦⁦👇🏼⁩

1_ابدئي في الصيف زي الأيام دي

2_ أبدئي بعد سنة و نصف

3_بلاش مقارنه بطفل غيره 

4_فرغي نفسك أسبوعين و اوهبي وقتك للمهمة العظيمة دي

5_اخلعي الحفاض طوال اليوم يلبسه وقت الخروج أو النوم

6_كل ساعة لساعتين قعديه في الحمام من خمس لعشر دقائق

7_كلميه كتير في الموضوع ده حتى لو كلامه قليل أو مش بيتكلم  ،، هيفهم

8_شجعيه كل ما يقعد في الحمام حتى لو ما معملش حاجه ..صقفي له و غني له

9_هو لسة بيتعلم ،، طبيعي يبقى فيه خساير و هدوم بتتوسخ و ارض بتتملي بي بي

10_بلاش ضرب أو زعيق أو شده

11_استخدمي طريقة المحاكاة أو التمثيل ؛ خلي لعبته المفضلة تقعد في الحمام و شجعيها هيتأثر

12_هيفضل كام مرة يغلط في التقدير و يعمل عملته بعد ما يقوم من الحمام يدقايق

13_لما يحقق التارجت و يعمل المراد قي الحمام احتفلي معاه و حسسيه بالإنجاز

14_طولي بالك كتييييير 

15_كتري عدد المشجعين: باباه و إخواته و المجتمع و الناس 

16_لو بيخاف من الحمام حببيه فيه، هاتيله سلم أو قاعدة صغيرة و ستيكرات ملونة تكسر رهبته

17_أقل من سنة و نصف في امهات نجحت بس مش شرط كل التجارب تكون زي بعض

18_أكتر من ٣.٥ سنوات هيتعبك و يعاندك جداااااا

19_لو نجحتي في خلع الحفاض بالنهار حليتي ٩٠٪ من المشكلة 

20_لو بيعمل و هو نايم ده مش بإيده حتى اسمه تبول لا إرادي.. إياكي تعاقبيه

21_لحد ٤ سنين مقبول يبل سريره بالليل بعد كده اكشفي

22_قللي سوايل و فواكه بالليل و ما تنيميهوش زعلان

23_عوديه يدخل الحمام مباشرة قبل ما ينام

24_مع الوقت علميه الخصوصية في خلع ملابسه و دخول الحمام و علميه النضافة يعد الحمام

25_اتعبي شويه في الاول هترتاحي كتير

26_همسة في أذن الأب؛ لو سمحت اوعى تزعلها في المرحلة دي و تقبل كل شيء منها و إلا قوم انت بالمهمة دي يا بطل

27_احتفلي مع طفلك بكل إنجاز يعمله حتى لو كان مجرد إنه بقى يعمل زي الناس في الحمام 

ثقته في نفسه و إحساسه بأهمية أي حاجة بيعملها بتتنقل له منك انتي

و في الاخر الاب له دور كبيييييير جداااااا في تعويد الاطفال الذكور علي الحمام ، لأنه هو مثل الطفل الاعلي و هياخد كلامه ثقة لازم يشارك معاكي ..

وجبات للطفل الرضيع