افكار هامه لكل ام

أفكار هامة لكل أم 👇❤️

بعض الأفكار للأطفال من سن 1الي 5 سنوات بعيد عن التلفزيون والنت 😊⁦❤️⁩

تطورات الطفل في السنه الأولى

10 غلطات دايما بتقع فيها كل ماما جديدة

10 غلطات دايما بتقع فيها كل ماما جديدة 

خلي بالك منها وبلاش تعمليها لطفلك 🚫

1️⃣انك تسيبي طفلك يعيط علشان ميتعودش ع الشيل😭 ابنك محتاج يحس بالامان وبحضنك🤱

2️⃣تنسي تكرعيه وخصوصا في رضاعات بليل ده بيزود الغازات والمغص

3️⃣تسبيه من غير تغيير الخفاظ وقت طويل وده ممكن يعمل تسلخات

4️⃣انك تهزي طفلك علشان يسكت 

5️⃣التمقيط وتلفيه جامد وده ممكن يخليه يتخنق بالذات بليل سيبي طفلك يتحرك براحته

6️⃣انك تنضفي طفلك من ورا لقدام انتي كده بتساعدي البكتريا تتنقل من فتحة الشرج لاعضائة بالذات البنات

7️⃣الرضاعة كل 3 ساعات، اه تنظيم الرضاعة مهم بس احنا مش مسكينله الساعة

8️⃣تنسي غسلي فم طفلك حتي لو مفيش سنان، شاشة مبلولة وامسحي بوقه علشان متكونش فطريات

9️⃣تحطي مخدة تحت دماغه 

🔟ان درجة حرارته تعلي وتديله خافض في البيت من نفسك لازم تروحي للدكتور

#رسايل_لماما 💌💌

*************************************************************

الطفل الحوكي

من اكتر الاطفال اللي بيحبوا المساعدة في البيت هو الطفل الحركي....هنكلمك عنه شوية...

1. طفل حنون من الداخل ..عدواني عند الاساءة

2. محب للتنطيط والقفز ومش بيعرف يقعد

3. يداعب الصغار اللي اصغر منه وظريف معهم (مش شرط اخواته)

4. لا يستجيب للاوامر بسهولة كأنه مش سامع..

5. عاشق للمساعدة في المطبخ.....وللكنس 

اسلوب التعامل معه ملخص في

1. احضنه كتير 

2. لا تعاقبه بالضرب

3. اشترك له سواء ولد او بنت في كرة قدم او كاراتيه

4. نمي مهارات ايده....الطهي...الصلصال...الكروشيه

**********************************************

ماذا يقول الجنين في كل شهر

**********************************

س سؤال

س سؤال يا سِت ماما :-

مغرقاني بودرة تلك و برفانات ليه ...؟؟!!

أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار .. غير إن بودرة التلك بأي نوع ممكن على المدى الطويل تسببلي حساسية على صدري و البرفانات الكتير بتخلليني مش عارف أشم ريحتك و دا بيقلب مزاجي و بيضايقني كمان ممكن تسببلي حساسية جيوب أنفيه .. من فضلك تكتفي بالشاور و هدومي تكون نظيفة غير كده أنا مش محتاج حاجه 😎

س سؤال تاني يا أمي :-

بتشيلي إيدي من بُقي ليه .... بتضايقيني ليه .... أنا ضايقتك في حاجه يا ستي ؟؟!! 

أقوى خلايا حسية عندي و أنا صغير بتكون في الفم و بتكون أقوى كمان من الخلايا اللي في أطرافي ... علشان كده باستخدم فمي في الإستكشاف و كل حاجه هحطها في بقي لِعب ... إيدي ... رجلي ...أنا حر يا ناس 

كُل اللي عليكي تبعدي عني الحاجات الصغيرة علشان ما تسببليش إختناق لا قدر الله .... و لو ...لو ... لو.... إستمريت في مص صوابعي لِعُمر ٣ سنوات إبقى إبدأي دوري على حل ... أظن مفيش أسهل من كده 😎

س سؤال تاني يا ماما يا مجنناني :-

مِش بتقصي أظافري بإنتظام ليه .... هاه .... ليه ؟؟؟ 

يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف يعني ضافرك لو بيحتاج يطول في إسبوع بيطول عندي في ٣ أيام بس لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي و بقى شكلي شوارِع ..😎

س سؤال لمامتي :-

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .... أنا بالطريقة دي بقولك بحبك ... مش بأعرف أتكلم يا ناس و دي طريقتي في التعبير ...إفهموها بأه 😄

س سؤال لوالدتي الحبيبة :-

ليه كُل الجيران يعرفوا إني مسهرك طول الليل .. ليه الفضايح دي ؟؟!! 

أولاً أنا بأنزل من بطنك مش عارف ليل من نهار و دا لإن ساعتي البيولوجية لسه مش شغاله .. كمان المواد اللي جسمي بيفرزها علشان أنام بيبقى إفرازها غير منتظم ... و كل دا بيبدأ يتظبط عند الشهر السادس و بشوية تنظيم منك بإنك تهدي الجو بالليل و تضلمي الدنيا و تساعديني أنام ... هاعرف الليل من النهار و أنام زي الناس .... بس لو ماعملتش كده إستحمليني إبنك بردُه و واجب عليكي 😄😄😄

دا مش سؤال دا طلب من الغالية 😄:-

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على الصفحات و تزهقي و تقفلي القصة .... أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .... أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا عاقل 😌😄

نِرجع للأسئلة 🤨....س سؤال للست ماما العزيزة :-

هو لازم خالتو دينا و طنط زينب و أنكل فرحات و أنّا بهيجة يعرفوا إني بريّل و مفاصلي بتطقطق.... لازم ؟؟!! و الله ما لازِم و لا حاجه 😄

أنا بريّل علشان جهازي العصبي لسه ما إكتملش و قدرتي على البلع لسه ضعيفة و بالتالي مش بقدر أبلع كُل اللعاب و دا مش شرط يكون تسنين و لا فطريات ... أنا كِده خلقتي كِده و مع الوقت و بعد عُمر سنة الأمور بتتحسن .... ماشي 😉

نيجي بأه للطقطقة و اللي بتبقى بسبب إن أوتاري بتتزحلق على بعضها يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم إنتم الكُبار 😜😜

تقلقي بس لو لقيتي مِفصل الفخذ هو اللي بيطقطق و في الحالة دي خالتو دينا و طنط زينب و أنكل فرحات و أنّا بهيجة مش هاينفعوكي 😄😄.... هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ ... ألف بعد الشر عليا طبعاً 😌

تعالي هنا ....جاوبتي على أي سؤال من اللي فاتوا و الا شاطرة بس تشتكي مني في كُل المحافِل العائلية .... مش كِده يا حاجه برستيجي إتبعتر خاااالص 🤨🤔

أمهات غريبة و الله 😄😄

منقول عن دكتورة مروة

#Dr_Marwa_at_kids_Zone

********************************************************************